Այցելու ուսանողներ և ստաժավորման հնարավորություններ
Տարբերվող մտածելակերպերը, քննարկումներն ու համատեղ աշխատանքները կարող են նպաստել առավել լայն հայացքների ու փորձառությունների համակարգի ձևավորմանը թե ապագա հայ առաջնորդների, և թե արտասահմանյան տարեկիցների համար:
Առաջնորդության Դպրոցը ոչ միայն կազմակերպում է պարբերական ուսանողական քննարկումներ և համատեղ աշխատանքներ, այլև խրախուսում է արտասահմանյան ուսանողների այցերը Հայաստան:
Եթե դուք սովորում եք արտասահմանյան լուրջ ուսումնական հաստատությունում և ցանկանում եք
- ստաժավորում անցնել,
- հանրօգուտ կամավորական աշխատանքներ իրականացնել,
- կամ հետազոտություններ կատարել Հայաստանում՝
հնարավորություն ունենալով նաև
- ծանոթանալ աշխարհի հնագույն մշակույթներից մեկին,
- զարգացնել հմտություններ և ձեռք բերել փորձառություններ, որոնք հնարավոր չէ ստանալ դասասենյակային միջավայրում,
- բարեկամներ ձեռք բերել աշխարհի շուրջ,
- ընդլայնել աշխատանք գտնելու ձեր հնարավորությունները,
հրավիրում ենք ձեզ մասնակցելու Առաջնորդության Դպրոցի ուսանողների ու համայնքի հետ միասին իրականացվող նախագծերին ու ծրագրերին:
Խնդրում ենք ձեր հարցերը, իսկ եթե արդեն որոշում եք կայացրել՝
- ձեր մտադրությունների վերաբերյալ նամակը
- և ձեզ համար երաշխավորելու պատրաստ դասախոսի կոնտակտային տվյալները
Մեր նախկին այցելուների կարծիքներից՝
Շատ ուրախ եմ, որ կարողացել եմ ընդգրկված լինել Առաջնորդության Դպրոցի (ԱԴ) աշխատանքներում հիմնադրման պահից: Այնտեղ անցկացրած ժամանակը լրջորեն ազդել է իմ հետագա արժեքների, հավատալիքների ու դիրքորոշումների վրա:
Շատ տպավորիչ էր տեսնել թիմի մասնակիցների (ովքեր այժմ իմ բարեկամներն են) խանդավառությունը դեպի Հայաստանի ավելի լավ ապագան: Ես խորապես հավատում եմ, որ նրանք կիրականացնեն այդ երազանքները, քանի դեռ պահպանում են իրենց ոգեշնչվածությունն ու հույսերը:
- Հիրոկի Տաչիիրի / Արևմտյան Սիդնեյի Համալսարան (Ավստրալիա)
Այցելու ուսանողները և ստաժորները ընդգրկվում են մեր գործունեության բոլոր ուղղություններում. հետազոտություններից մինչև գործնական նախագծեր: Լրացուցիչ տեղեկությունների համար խնդրում ենք այցելել կայքի Նորություններ բաժինը։