1. Գլխավոր
2. Ընդունելություն

Ընդունելություն. Առաջնորդության Զարգացման դասընթաց

Ինչպիսի՞ն եք պատկերացնում ձեր ապագան.

• ձեր ներկա մտածելակերպն ու գիտելիքները, փորձառությունն ու գործարար կապերը բավարա՞ր են ձեր ցանկացած լուրջ ձեռքբերումների համար
• դուք պատրա՞ստ եք դիմագրավելու արագացող փոփոխությունների մարտահրավերներին և օգտվելու ընձեռվող նոր հնարավորություններից

Կրթության և աշխատանքի ապագայի մասին ընդունված պատկերացումները արդեն չեն գործում.

• տեխնոլոգիական զարգացումը արագանում է. եթե ձեր աշխատանքը բաժանվում է կրկնվող գործողությունների (օր.՝ հաշվապահություն, թարգմանություն) կամ պահանջում է նվազ ջանքերով ստեղծագործականություն, և դրա ավտոմատացումը շահավետ է բիզնես տեսանկյունից, ապա այն անխուսափելիորեն ավտոմատացվելու է
• աշխարհը բաց է. ձեր վրա ազդելու են անմիջական տեսադաշտից դուրս գտնվող և անգամ ձեր մասնագիտության հետ կապ չունեցող գործոններ օր.՝ դուք ստիպված եք լինելու մրցակցել այլ երկրների միլիոնավոր որակյալ աշխատուժ ապահովող մասնագետների հետ

Ինչպիսի՞ կրթություն է անհրաժեշտ նման պայմաններում ոչ թե պարզապես գոյատևելու, այլ զարգանալու և լուրջ նպատակներ իրականացնելու համար.

• նպատակամետ
  Ավանդական կրթությունը նախապատրաստում է ձեզ դառնալու շարքային մասնագետ, «Առաջնորդության Զարգացման» այս դասընթացը նախապատրաստում է ձեզ դառնալու նոր սերնդի առաջնորդ:
• խորաթափանց
  Ձեզ հետ իրենց փորձառություններով ու տեսլականներով են կիսվում կայացած գործիչներ և մասնագետներ:
• գործնական
  Դուք հնարավորություն ունեք կիրառել ձեռք բերած նոր գիտելիքները, ինչպես նաև իրականացնել ուսանողական նախագծեր:
• կապեր ստեղծելու հնարավորությամբ
  Դուք կարող եք դառնալ փորձառու մենթորների և ապագա ձեռքբերումների վճռականությամբ երիտասարդների համայնքի մասնակից:

Ի՞նչ է պահանջվում ձեզնից.

Ինչպիսի՞ն է դասընթացի կառուցվածքը

Ուսումնական պրոցեսը բաղկացած է հետևյալ հիմնական բաժիններից.

• առաջնորդության հիմունքներ, տեսակներ և կոնտեքստներ
• ինքնաճանաչում և անհատական զարգացում, նպատակամետ կարիերա և բիզնես
• տեղեկատվության, ժամանակի, նախագծերի կառավարում
• արդյունավետ հաղորդակցություն (գրավոր, բանավոր, ոչ խոսքային [body language] միջոցներ)
• բիզնես էտիկետ (հագուստի նորմեր [dress code], վարվելակերպ, գործարար անգլերեն)
• հրապարակային ելույթներ ու ներկայացումներ [presentation, startup pitch]
• թիմային աշխատանք և ներդաշնակ աշխատանքային հարաբերություններ
• բիզնեսի զարգացում (ներառյալ՝ բիզնես մոդել, ինովացիա), գործարար բանակցություններ
• բիզնես կապերի հաստատում


• ընդլայնված թեմաներ (օր.՝ առաջնորդություն դժվարին իրավիճակներում և փոփոխությունների կառավարում, հարաբերություններ ԶԼՄ-ների հետ)
• հանդիպումներ կայացած գործիչների հետ, այցելություններ (փոքր բիզնեսներից մինչև պետական կառույցներ ու միջազգային ներկայացուցչություններ)
• բազմամշակութային տեսակետներ և մոդելներ միջազգային փորձից
• քննարկումներ, առաջնորդության թեմայով վիդեոնյութերի վերլուծություններ, թիմային խաղեր
• գործնական աշխատանքներ և ուսանողական նախագծեր

* Ավելի մանրամասն տվյալները տրամադրվում են դիմորդներին և ուսանողներին:
Նախորդ ուսումնական փուլի միջոցառումներին ծանոթանալու համար խնդրում ենք այցելել մեր նորությունների էջ։

Ուսուցումը վճարովի է. ուսման ողջ տևողության համար այն կազմում է 200 հազար ՀՀ դրամ:
Առաջնորդության Դպրոց հիմնադրամը շահույթ չհետապնդող կազմակերպություն է. գումարը օգտագործվում է հիմնականում զարգացման նախագծերի իրականացման և դասախոսությունների հետ կապված ծախսերի համար:

Առաջնորդության Դպրոցը անվճար ուսման հնարավորություն է տրամադրում դասընթացի լավագույն ուսանողին։

Խնդրում ենք նկատի ունենալ, որ նշված հնարավորությունը իրականացվում է դասընթացի ավարտից հետո` փոխհատուցելով համապատասխան ուսանողի կողմից վճարված ուսման վարձը։

Ինչպե՞ս մասնակցել դասընթացին

Ընդունելության պահանջներ

• նվազագույն տարիք՝ 18
• դասերի վայրը՝ Երևան, Հայաստանի Հանրապետություն

2025-2026թթ. ընդունելության դիմումը հասանելի կլինի 2025թ. հունիսի 01-ից:

Առաջնորդության դպրոցի նորություններին հնարավորինս շուտ տեղեկանալու համար կարող եք նաև գրանցվել մեր կայքում, կամ միանալ մեր խմբին Facebook-ում: