Այցելու ուսանողներ և ստաժավորման հնարավորություններ
Տարբերվող մտածելակերպերը, քննարկումներն ու համատեղ աշխատանքները կարող են նպաստել առավել լայն հայացքների ու փորձառությունների համակարգի ձևավորմանը թե ապագա հայ առաջնորդների, և թե արտասահմանյան տարեկիցների համար:
Առաջնորդության Դպրոցը ոչ միայն կազմակերպում է պարբերական ուսանողական քննարկումներ և համատեղ աշխատանքներ, այլև խրախուսում է արտասահմանյան ուսանողների այցերը Հայաստան:
Եթե դուք սովորում եք արտասահմանյան լուրջ ուսումնական հաստատությունում և ցանկանում եք
- ստաժավորում անցնել,
- հանրօգուտ կամավորական աշխատանքներ իրականացնել,
- կամ հետազոտություններ կատարել Հայաստանում՝
հնարավորություն ունենալով նաև
- ծանոթանալ աշխարհի հնագույն մշակույթներից մեկին,
- զարգացնել հմտություններ և ձեռք բերել փորձառություններ, որոնք հնարավոր չէ ստանալ դասասենյակային միջավայրում,
- բարեկամներ ձեռք բերել աշխարհի շուրջ,
- ընդլայնել աշխատանք գտնելու ձեր հնարավորությունները,
հրավիրում ենք ձեզ մասնակցելու Առաջնորդության Դպրոցի ուսանողների ու համայնքի հետ միասին իրականացվող նախագծերին ու ծրագրերին:
Խնդրում ենք ձեր հարցերը, իսկ եթե արդեն որոշում եք կայացրել՝
- ձեր մտադրությունների վերաբերյալ նամակը
- և ձեզ համար երաշխավորելու պատրաստ դասախոսի կոնտակտային տվյալները
Մեր նախկին այցելուների կարծիքներից՝
Ես այցելել եմ Առաջնորդության Դպրոց (ԱԴ) 2011թ. ապրիլին և ուշագրավ փորձառություն եմ ունեցել հանդիպել ուսանողների հետ, ովքեր հավակնում են դառնալ նոր սերնդի հայ առաջնորդներ։ Մենք խոսեցինք ամենատարբեր թեմաներից՝ հասարակական կազմակերպություններից մինչև պետական հաշվետվողականություն ու Վեբ 2.0 տեխնոլոգիաներ․ տպավորված եմ ուսանողների խանդավառությունից և յուրօրինակությունից։ Վստահ եմ, որ ԱԴ-ն կշարունակի հայ երիտասարդությանը առաջարկել օգտակար և նորարարական ծրագրեր, իսկ ԱԴ շրջանավարտները առաջատար դեր կստանձնեն նպաստելու իրենց երկրի և աշխարհի զարգացմանը:
- Սեմ Սթոուն / Ստենֆորդի Համալսարան (ԱՄՆ)
Այցելու ուսանողները և ստաժորները ընդգրկվում են մեր գործունեության բոլոր ուղղություններում. հետազոտություններից մինչև գործնական նախագծեր: Լրացուցիչ տեղեկությունների համար խնդրում ենք այցելել կայքի Նորություններ բաժինը։